Ginapasiguro sang International Criminal Court (ICC) nga magapadayun ang ila operasyon, apisar sang sanctions nga ginpasaka batok sa ila sang Estados Unidos sang Amerika.
Kabahin diri amo ang pagpadayun sang natalana nga trial ni former President Rodrigo Duterte nga nagapabilin sa gihapon sa ICC Detention center sang masobra na isa ka tuig matapos ini nga gin-aresto sang 2025 may kaangtanan sa ginapahayag crimes against humanity.
Suno kay ICC President Tomoko Akane, padayun nila nga ubrahun ang ila katungdanan nga patas kag nakabase lamang sa layi kag mga ebidensya.
Nahibaluan nga magasugod na sa Nobyembre 30 subong nga tuig ang trial sang anay presidente sa The Hague, Netherlands.
Madumduman nga nagpaguwa man sang joint statement ang pila ka mga pungsod nga kaalyado mismo sang Amerika agud pamatukan ang nangin lihok sang Trump administration sa nasambit nga international court.
Lakip na diri amo ang Canada, Denmark, France, Germany, Italy, Japan, the Netherlands, kag the United Kingdom.
