Dalayon na nga gin-disqualify sang International Criminal Court (ICC) si chief prosecutor Karim Khan sa pag-uyat sang kaso nga war crimes batok kay former President Rodrigo Duterte.
Ginbasehan sang appeals judges sa desisyon ang ila gin-cite nga conflict of interest.
Matandaan nga sang Agusto, nagpetisyon ang kampo ni Duterte nga i-disqualify si Khan.
Ginapanindugan sang defense team nga nag-represent na si Khan sa Philippines Human Rights Commission (PHRC) sa pagpangalan kay Duterte bilang nagapanguna nga suspek sa sa mga krimen sang ginpatuman ang war on drugs sa Pilipinas.
Gani suno pa sa amo nga kampo, indi na siya maka-conduct pa sang impartial ukon patas nga imbestigasyon kun siya ang prosecutor sa kaso ni Duterte nga war crimes sa ICC.
Gin-grant naman sang Appeals Chamber ang request sang defense, bangud ila ginpahayag nga posible nga mangin biased si Khan bangud sa iya nauna nga papel sa PHRC.
Matandaan nga antes sini, nagpanaog si Khan bilang chief prosecutor sang Mayo agud hatagan sang ligwa ang imbestigasyon sang United Nations batok sa iya bangud sang ginaalegar nga sexual misconduct.
