Wala ginbaton sang Iloilo City District Engineering Office (ICDEO) ang cease and desist order nga gin-isyu sang city government batok sa drainage project sa Barangay San Pedro, Jaro, Iloilo City.
.
Gin-isyu ni Mayor Jerry Treñas ang stoppage order sang Abril 22 matapos matukiban nga ginpatigayon ang proyekto bisan wala sang excavation permit, mayor’s permit, barangay clearance, ukon legal nga ordinansa para sa road closure.
Suno sa Iloilo City District Engineering Office, wala nila ginbaton ang order bangud sa technicalit kun sa diin naka-address ini kay Department of Public Works and Highways Region 6 director Sonny Boy Oropel, kag indi direkta kay ICDEO officer-in-charge Engr. Roy Pacanan.
Sa interview naman sang Bombo Radyo kay Chester Duane Jover, ang Construction and Maintenance Foreman sang City Engineer’s Office, bangud wala ginbaton sang ICDEO ang letter, ibalik ini sa mga abogado sang syudad para sa masunod nga mga tikang.
Suno kay Jover, magluwas nga wala sang nagakaigo nga permits, wala man sang may nabutang nga transparency board angot sa proyekto.
