Isa na ka registered criminologist ang ginbansagan “ICE CANDY MAN” sang Passi City nga si Jeson Gustilo Jagorin.
Si Jagorin ang una nga na-interview sa Bombo Radyo bangud sa dalayawon nga ginahimo nga pamaagi agud makapadayon sa iya pagtuon bilang criminology student sa pihak sang kapigaduhon sa kabuhi.
Si Jagorin ang subang sa walo ka mag-utod.
Suno kay Jagorin, pagpanguma ang trabaho sang iya amay sa Anilao, samtang wala na ini sang ihibalo sa iya nahamtangan sang iya iloy nga ginapahayag yara nagatrabaho sa luwas sang pungsod.
Sang high school, gin-ako ni Jagorin nga dungol ini nga estudyante.
Agud maka-eskwela naman sa kolehiyo, naga-istar ini sa isa ka pamilya sa diin nagabulig ini sa pagpang-garab sa uma sa tion sang weekend.
Kada adlaw, nagalibod naman ini sang ice candy agud nga may ibalon sa iya pag-eskwela.
Nagapasalamat man ini sa mga indibidwal nga nagabulig sa iya kag naga-intindi sang iya sitwasyon.
