Kun may yara sang white sand beach sa Boracay, may yara naman sang black sand beach sa Iceland.
Ini ang masami nga ginakadto-an sang mga dumuluong bangud pinasahi ini ipaanggid sa iban nga mga beach.
Magluwas sa black sand, nakakuha man sang atensyon ang dalagko nga mga ice nga yara nahamtang sa mga balas.
Ang ginkilala bilang Diamond Beach ang makit-an sa Jökulsárlón glacier lagoon sa South Coast sang Iceland.
Nagapanguna ini nga tourist attraction sa nasambit nga pungsod.
Ang size sang sini nga mga ice nga ginakabig “diamonds” ang nagadako sang daw kaangay sa imo nga palad tubtob sa average nga kadakuon sang tawo.
Magluwas sini, popular man ang Diamond Beach bangud wala nagapalareho ang hitsura sang lugar kada adlaw — may yara kun kaisa nga gamay lang ang mga ice nga yara sa balas apang matabo-an man kun kaisa nga tuman naman ini ka damo, nagatulumpok kag mga dalagko pa.
Ang mga ice nga ini ang naghalin sa Breiðamerkurjökull , isa ka outlet glacier sa Vatnajökull — ang pinakadako nga icecap sa Europe.
