Indi anay makapatigayon sang referrals ang Independent Commission for Infrastructure (ICI) kaangot sa imbestigasyon sini sa flood control corruption bangud nga kulang sila sa mga komisyoner.
Suno kay ICI special adviser Rodolfo Azurin Jr., himuon lang anay nila ang ila nga trabaho subong, agud nga kun may mag-abot nga bag-o nga komisyoner, handa na sila para maka-refer sang bag-o nga mga impormasyon sa Ombudsman.
Nahibaluan nga ang nabilin na lamang nga commissioner amo si ICI chairperson Andres Reyes Jr. kasunod sang resignation nanday Rogelio Babes Singson kag Rossana Fajardo.
Disyembre 2025 sang nagpanaog si Singson bangud sa iya ikaayong lawas kag seguridad, samtang nagdepensa naman si Fajardo nga natapos na niya ang trabaho santo sa iya mandato.
Una naman nga nagpahayag ang Malacañang nga luyag ni President Ferdinand “Bongbong” Marcos Jr. nga padayunon sang ICI ang ila nga imbestigasyon kag trabaho apisar sang sunod-sunod nga resignations.
