Nagsumiter sang referral ang Independent Commission for Infrastructure (ICI) sa Office of the Ombudsman kahapon nga adlaw batok kay anay senador Bong Revilla Jr. kag sa iban pa nga mga indibidwal nga may kaangtanan sa ginapahayag nga iregularidad sa mga proyekto sa flood control.
Sa isa ka press briefing, ginsiling ni ICI chairperson Justice Andres Reyes Jr. nga ginrekomndar sang komisyon ang pag-file sang kaso batok kanday Revilla, Maynard Ngu, kag iban pa ka mga personalidad nga ginalakipan nanday Carleen Villa, Gerard Opulencia, Manny Bulusan, Ruel Umali, Gene Ryan Altea, J.Y. Dela Rosa, Mrs. Patron, kag Carlo Aguilar.
Samtang, hugot naman nga ginpanginwala ni Revilla ang akusasyon nga nagabaton ini sang kickback halin sa mga proyekto sa flood control.
Suno sa iya spokesperson nga si Atty. Maria Guinto, wala nahatagan si Revilla sang kahigayunan nga depensahan ang iya kaugalingon sa ICI.
Magluwas diri, ginrekomendar man ni Reyes nga magpatigayon ang Ombudsman sang mas madalom nga imbestigasyon sa possible nga pagkaulamid nanday
(SENATORS)
Sen. Francis “Chiz” Escudero
Anay Sen. Nancy Binay
Sen. Grace Poe, anay Senate finance chairperson
Sen. Mark Villar, anay DPWH secretary
Suno kay Reyes, nakabase ang referral sa mga testimoniya kag affidavit ni anay DPWH Undersecretary Roberto Bernardo, nga nagasiling nga nagabaton si Revilla sang 25% komisyon halin sa mga flood control projects.
Pahayag pa sini, possible mas madamo pa ang mapasakaan sang kaso.
Ginkumpirmar man niya nga magasumiter pa ang ICI sang dugang nga ebidensya nga possible magresulta sa kaso batok kanday:
(MGA KORAP)
Anay DPWH secretary Manuel Bonoan
Anay DPWH undersecretary Roberto Bernardo
Catalina Cabral
Anay Ako Bicol Rep. Zaldy Co
Anay Bulacan district engineer Henry Alcantara
COA Commissioner Mario Lipana
Assistant district engineers Brice Hernandez kag Jaypee Mendoza.
