ILOILO CITY- Ginkalipay sang Iloilo City Loop Alliance of Jeepney Operators and Driver’s Association ukon ICLAJODA ang liwat nga pagbalik sang byahe sa idalom ang General Community quarantine.
Sa interview sang Bombo Radyo kay Raymundo Boyet Parcon, Presidente sang ICLAJODA, iya ginpahayag nga nalipay ang mga drivers bangud makapangita na sila sang palangabuhian.
Suno kay Parcon, ginahanda na nila ang ila mga units nga magabyahe sa maabot nga byernes Mayo 01, 2020.
Nagahulat naman sila suno kay Parcon nga ipatawag ni Iloilo City Mayor Jerry Treñas agud mahibaluan ang iban pa nga guidelines, kag kun pila ka carpass ang igahatag agud ila na nga mapanghatag.
Plano naman nila suno kay Parcon butangan sang baral ang jeep agud indi magtalalapik ang mga pasahero.
Ang ginahingyo lang niya sa mga drivers suno kay Parcon, amo nga sundon ang mga ginapatuman nga pagsulundan, indi pagpasakyun ang mga pasahero nga wala sang facemask kag ang pagbayad ang mismo magadretso sa driver.
