ILOILO CITY – Indi makasabat ang Iloilo City Loop Alliance of Jeepney Operators and Drivers Association kun gilayon sila nga makabalik sa pagbyahe pagkatapos ang Ehanced Community Quarantine.
Sa interview sang Bombo Radyo kay Raymundo “Boyet” Parcon, presidente sang Iloilo City Loop Alliance of Jeepney Operators and Drivers Association, iya ginpahayag nga ang iban nga driver ang nagapangita na lang sang sideline agud nga may yara sang trabaho.
Suno kay Parcon, indi mapaktan kun tubtub san-o ang suspensyon sa byahe sang mga jeep rason nga kinahanglan sang mga driver nga magsakripisyo.
Ginpahayag ni Parcon nga apisar nga huol para sa ila nga mga driver ang pagpauntat sang byahe apang wala sila sang may mahimo kundi sundon ang mandu sang Land Transportation Franchising and Regulatory Board.
