Iloilo City – Nangin positibo ang reaksyon sang Iloilo City Loop Alliance of Jeepney Operators and Drivers Association matapos gin-anunsyo ang pag-extend sa deadline sang jeepney phaseout sa Disyembre 31, 2023.
Sa interview sang Bombo Radyo kay Mr. Raymundo Boyet Parcon, presidente sang Iloilo City Loop Alliance of Jeepney Operators and Drivers Association kag chairman sang Western Visayas Transport Cooperative, iya ginpahayag nga kahigayunan ini sa mga drivers nga i-consolidate ang mga kulang nga requirement sa ila kooperatiba.
Suno kay Parcon, nagpasalig ini nga wala sang dapat kabalak-an ang iya grupo bangud kumpleto ang mga ini sa requirements.
Sa matuod, suno sang natungdan, ginahulat nalang sang grupo ang maabot nga 1st batch sang 95 ka mga modernized jeepney kun sa diin nagpautang ang Land Bank of the Philippines sang P200 million sa pagbakal sang modernized jeepneys.
