ILOILO CITY–Magapatigayon  sang pagsinapol ang Iloilo City Loop Alliance Jeepney Operators and Drivers Association (ICLAJODA) agud talakayon ang mga safety measure may kaangtanan sa natabo nga aksidente sa Brgy. Calumpang, Molo, Iloilo City.
Ini matapos nga nahulog ang mag-iloy sa depampasahero nga jeep samtang nagapungko sa front seat kag nalasakan ang ulo sang lima ka bulan nga lapsag.
Sa interview sang Bombo Radyo kay Reymundo “Boyet” Parcon, presidente sang ICLAJODA, iya ginpahayag nga ginadumilian ang pagpasakay sang bata sa front seat humalin sa lapsag tubtob sa tatlo ka tuig.
Suno kay Parcon, katungdanan na kuntani sang driver nga munohon ang pasahero nga may dala nga bata nga indi makapungko sa front seat.
Sa baylo pasaylohon sila sa likod sang jeep agud malikawan ang aksidente.