ILOILO CITY – Ginkalipay sang Iloilo City National High School ang nangin turn-out sang una nga adlaw sang Brigada Eskwela 2023.
Sa interview sang Bombo Radyo kay Ms. Alpha Java, Principal IV sang eskwelahan, iya ginpahayag nga madamo sang mga ginikanan, kabataan kag mga stakeholders ang nag-upod sa nasambit nga programa.
Suno kay Java, may yara sang mga manunudlo nga nagabantay sa pila ka mga areas sa ekwelahan agud nga maggiya sa mga ginikanan.
Magluwas sa mga manunudlo, nagabulig man ang mga opisyal sang Parent-Teacher Association.
Pahayag dugang sang natungdan, agud nga indi na magbalik-balik ang mga ginikanan, pagkatapos nila nga magpaninlo, mahimo na sila nga magpa-enroll sang ila mga kabataan.
Katuyu-an sang Brigada Eskwela nga mahanda ang eskwelahan para sa pagbalik sang mga estudyante sa Agosto 29.
