ILOILO CITY – Nagpanugyan si Iloilo City Police Office Director Pol Col Martin Defensor Jr. sa mga ginikanan sang menor de edad sa syudad sang Iloilo nga seryosohon ang pagdisiplina sa ila mga kabataan.
Sa interview sang Bombo Radyo kay Col Defensor, iya ginpahayag nga sa ila pagpatigayon sang citywide saturation drive, natigayon nila nga ma rescue ang 37 ka mga menor de edad sa sulod sang duha ka gab-i nga ila pag-operate.
Suno kay Defensor, madamo sang lugar nga lagawan ukon tambayan ang mga menor de edad sa syudad kaangay na lang sa mga computer shops.
Masami nga ma rescue sang mga kapulisan ang mga menor de edad sa Iloilo City Proper kag Molo.
Dugang pa sang natungdan, nagakadapat nga ipahangop sang mga ginikanan ang layi kag ordinansa sa ila mga kabataan agud nga indi na ang mga ini magliho-liho tagsa ka gab-i.
