ILOILO CITY- Nahangpan sang Iloilo City Police Office ang pagkadismaya ni Iloilo City Mayor Jerry Treñas sa kapasidad sang kapulisan sa pagpaluntad sang kalinong kag katawhay.
Ini kasunod man sang natabo nga rambol sang mga pamatan-on sa Diversion Road, Barangay San Rafael, Mandurriao, Iloilo City.
Sa interview sang Bombo Radyo kay Pcol Leo Batiles,director sang Iloilo City Police Office, iya ginpahayag nga natural lang ang nangin reaksyon sang alkalde sa natabo nga kinagamo.
Apang,nagdepensa ang director paagi sa pagpanindugan nga my yara sang mga police personnel nga naka-deploy sa lugar.
Suno kay Batiles, ang natabo lang amo nga naka-pull-out na sa lugar ang mga personnel sang Mandurriao Police Station antes nagluntad ang rambol.
Pahayag ni Batiles, base sa ila integrated deployment patrol plan, alas-kwatro sa kaagahon naga-pull-out ang mga police personnel nga naga- foot patrol sa area agud mag-on board sa mobile patrol kag natabo ang rambol 20 minutos lang ang nakaligad matapos naghalin ang mga pulis sa lugar.
