ILOILO CITY – Gindayaw ni Iloilo City Police Office Director Pol Col Martin Defensor Jr. ang proyekto sang LaPaz Police Station nga project SHIELD ukon Strengthening Every Household as Intervention and Enhancment of Life and Devotion to God.
Sa interview sang Bombo Radyo kay Defensor, iya ginpahayag nga dako nga bentaha para sa mga pumuluyo sang syudad ang ini nga proyekto nga makabulig sa mga may mental health problem.
Suno kay Defensor, tuman ka aktibo ang advisory council sang Lapaz Police Station kag kuntani magserbe man ini nga ehemplo sang iban man nga police station sa syudad.
Dugang pa sang direktor, bukas man ang project SHIELD indi lamang sa mga residente sang syudad sang Iloilo kundi amo man sa mga probinsya ukon sin-o man nga tawo nga nagakinahanglan sang bulig bangud tuman ka importante ang kabuhi sang tawo.
