ILOILO CITY – Ginmando ni Iloilo City Police Office Director Police Colonel Uldarico Garbanzos ang madasig nga imbestigasyon natuhoy sa natabo nga pagpangluthang sa isa ka lalaki sa Brgy. Cuartero, Jaro, Iloilo City.
Ang biktima amo si Jerome Paegane, ginabanta 40 anyos ang edad, residente sang Brgy. Fajardo sa amo man nga distrito.
Sa interview sang Bombo Radyo kay Garbanzos, iya ginpahayag nga nagapadayon pa ang ila imbestigasyon natuhoy sa insidente.
Suno kay Garbanzos, ginmanduan na niya ang hepe sang Jaro Police Station nga si PLt. Col. Reuben Siason nga magpasa sang ila follow up report.
Gin-athag naman ni Garbanzos nga indi makabig nga motor-riding incident ang natabo kay Paegane.
