ILOILO CITY – Nagpanugyan ang si Iloilo City Police Office Director Police Colonel Martin Defensor Jr. sa publiko nga mangin responsable sa pag-inom sang mga makahulubog nga ilimnon.
Sa interview sang Bombo Radyo kay Col. Defensor, iya ginpahayag nga kun nagalingin na ang ulo bangud sa epekto sang ilimnon, magpauli gilayon sa balay kag magpahuway.
Kinahanglan suno kay Defensor nga likawan ang pagpanggamo ukon pagpanakit.
Samtang sa bahin naman sa pagpanigarilyo, ginpahayag sang director nga may mga salawayon sa gihapon nga mga tawo sa syudad sa nagapadayon sa pagpanigarilyo.
Kun kaisa suno kay Defensor, indi niya mapunggan nga indi pagsawayon ang mga tawo nga nagapanigarilyo sa mga publiko nga lugar sa diin apisar wala ini naka-uniporme, ginasita niya ang iya makit-an nga nagapanigarilyo.
Apang sa baylo nga mag-untat dugang pa ni Defensor, ginatulok pa siya masakit sang mga tawo nga iya ginasaway.
Gani santu sa obserbasyon sang director, wala nagapati ang mga tawo sa ordinaryo nga tawo ipaanggid kun mga otoridad mismo ang nagasita sa mga salawayon nga padayon nagapanigarilyo sa pampubliko nga mga lugar sa syudad.
