Ginpaathag sang Iloilo City Police Office (ICPO) nga wala sila gapamilit sang signal jamming para sa Dinagyang Festival 2025.
Sa interview sang Bombo Radyo kay Police Colonel Kim Legada, Director sang Iloilo City Police Office, iya ginpahayag nga ang tikang ang isa lamang ka suhestyon sa city government kag kay Iloilo City Mayor Jerry Treñas.
Suno kay Legada, wala sang anay mga records nga nagapakita nga may mga threat sa explosive devices nga mahimo makatublag sa selebrasyon sang Dinagyang Festival.
Ginpahayag man sini nga nakahibalo man sila nga indi luyag sang alkalde ang signal shutdown kapareho man sa natabo sa syudad sang 2023 rason nga gin-abi-abi sini ang signal jamming.
Sa amo nga tikang, gin-ako sang natungdan nga sa subong, wala pa sang device nga pwede gamiton sa signal jamming.
Gintumod man ni Legada nga isa lamang ang signal jamming sa mga security measures nga ila ipatuman sa Dinagyang Festival 2025.
