Ginarespeto sang Iloilo City Police Office (ICPO) ang panindugan sang pamilya sang isa sa ginatudlo suspek sa pagpatay sa 18-anyos nga lalaki sa Brgy. Taal, Molo, Iloilo City.
Ang isa sa mga suspek nga ginapahayag nga ginkastigo amo si si Ryan Kent ‘RK’ Magbanua, residente sang Barangay Calumpang, Molo, Iloilo City.
Ang biktima naman sa insidente amo si John Chris Mark Gapol, residente sang Barangay Calumpang, Molo, Iloilo City.
Sa interview sang Bombo Radyo kay Police Major Shella Mae Sangrines, Spokesperson sang Iloilo City Police Office, iya ginpahayag nga luyag sang talatapan nga ipalab-ot sa publiko nga wala nagapunaw ang pagpahanumdom ni Police Colonel Kim Legada, Director sang Iloilo City Police Office nga respetohon ang human rights.
Suno kay Sangrines, nagapangibabaw gid ang pagsunod sang kapulisan sa ‘police operational procedures’ agud nga wala sang matapak nga kinamatarong sang isa ka tawo.
Bukas naman ang ICPO sa nangin tikang sang pamilya ni RK Magbanua sa mga legalidad nga ila igapatuman.
Nagpasalig man ang natungdan nga ginapatuman sang talatapan sang istrikto ang nga pagsunod sa medical procedures agud masunod man ang ‘due process’.
