Preparado ang katapo sang Iloilo City Police Office (ICPO) para sa pagsugod sang local campaign period sang 2025 midterm elections buwas nga adlaw.
Sa interview sang Bombo Radyo kay Police Major Shella Mae Sangrines, spokesperson sang Iloilo City Police Office, iya ginpahayag nga may mga augmentation na sila sang kapulisan agud masiguro ang public safety kadungan sang kahiwatan.
Suno kay Sangrines, kasado na ang comprehensive security measures para sa primero nga adlaw sang kampanyahanay sa lokal nga bahin.
Nagpanugyan man ini sa publiko nga gilayon magpakig-angot sa ila kon may mga concern kag matukiban nga indi maayo nga akto may kaangtanan sa eleksyon.
Ginpasigurado man sang traffic management sang ICPO nga maplastar sang maayo ang traffic visibility sa dalan sang syudad.
Nagbuya man ini sang pasalig nga bisan nagsugod na ang campaign period, magapabilin ang malig-on nga serbisyo sang kapulisan.
