ILOILO CITY – Kumpiyansa ang Iloilo City Police Office nga wala ini sang personnel nga na-angut sa anuman nga iligal nga aktibidad.
Ini ang kasunod sang pahayag ni Philippine National Police Chief Gen. Benjamin Acorda, Jr. nga may yara sang 3000 ka mga pulis nga may yara sang derogatory records.
Suno kay Acorda, ang ini nga mga pulis ang ginpaidalom na sa counter-intelligence sang siya pa ang pinuno sang Directorate for Intelligence sa pagpamuno ni retired Philippine National Police chief Rodolfo Azurin, Jr.
Sa interview sang Bombo Radyo kay Police Colonel Joeresty Coronica, director sang Iloilo City Police Office, iya ginpahayag nga base sa pinakaulihi nga report nga ginpasa sa Police Regional Office, wala sang may na-monitor nga pulis nga naangut sa illegal activities.
Suno pa sa iya, prayoridad sang talatapan nga masiguro nga wala sang pulis nga may derogatory records.
Pahayag ni Coronica, ang impluwensya sang commander ang makabulig sang dako sa maayo nga pinamatasan sang mga personnel.
Nagpanugyan ang director sa tanan nga mga kapulisan nga ipabilin ang ila nga disiplina.
