ILOILO CITY – Buligan sang Iloilo City Police Office (ICPO) ang hepe sang Jaro PNP sa pagpangita sang nagakaigo nga ebidensya kag masolbar ang kaso sa pagtiro-patay empleyadosang Department of Agrarian Reform (DAR) 6 sa Brgy. Tagbak, Jaro, Iloilo City.
Sa interview sang Bombo Radyo kay ICPO Director Police Col. Martin Defensor Jr., iya ginpahayag nga ginahatagan niya sang tion si Police Captain Eduardo Siacon Jr. agud makapangita sang mas mabakod nga ebidensya.
Suno kay Defensor, indi man niya luyag nga mabudlayan si Siacon nga hands-on man sa iya trabaho.
Pahayag pa ni Defensor, may yara naman sang natumod nga person of interest si Siacon sa pagpatay kay Alan Salaro, 51, sang Brgy. Calmay, Janiuay, Iloilo.
Maathag man suno sa natungdan nga indi drug related ang kaso, indi man motorcycle riding suspects ang nagpatay kundi personal ang motibo sang pagpatay sa biktima.
