ILOILO CITY – Magadeploy sang police officers ang Iloilo City Police Office (ICPO) kadungan sang pagbukas sang klase sa elemtarya kag sekondarya.
Sa interview sang Bombo Radyo kay Police Captain Shiela Mae Sangrines, tagpamaba sang ICPO, iya ginpahayag nga may iga-deploy nga uniformed kag non-uniformed officers agud mapasiguro ang kalinong, katawhay kag ang seguridad sang mga kabataan, ginikanan kag mga manunudlo nga magapadulong sa tagsa ka mga eskwelahan.
Suno kay Sangrines, mahimo nga clustering ang deployment sa mga nagalapitanay nga mga eskwelahan.
Katuyu-an sini suno kay Sangrines amo ang pagpasigurado nga wala sang may matabo nga insidente kadungan sang pagbukas sang klase.
Nagpanugyan man si Sangrines sa mga ginikanan kag manunudlo nga mag-aligmat sa tanan nga tion.
