ILOILO CITY – May yara sang ginabantayan ang Iloilo City Police Office nga grupo sang mga kawatan nga mahimo magpatigayon sang krimen kadungan sang Dinagyang Festival 2020.
Sa interview sang Bombo Radyo kay Iloilo City Police Office Director Police Col. Martin Defensor Jr., iya ginpahayag nga santo sa monitoring, may yara sang mga kawatan sa Western Visayas nga nagapangsaka-saka sa mga balay agud nga magpangawat.
Suno kay Defensor, ang iban sa mga kawatan ang tumandok sang rehiyon kag individual operation ang nagakatabo agud nga indi gilayon madakpan.
Ginpahayag ni Defensor nga indi malayo nga magkilalahay lamang ang mga suspek sa diin ang isa sa ila ang nadakpan na sadto sa buy bust operation sa distrito sang Molo.
Nagahingalit ang mga kawatan ilabi na kun madamu kag masako ang mga tawo.
