ILOILO CITY – May gintukod na nga focus team ang Iloilo City Police Office agud tutukan ang kaso sang pagluthang-patay sa 17 anyos nga solterito sa Brgy. Salvacion Habog-Habog, Molo, Iloilo City.
Sa interview sang Bombo Radyo kay Police Lt. Marlon Perez, deputy station commander sang Molo Police Station, iya ginpahayag nga ang focus team ang ginabug-usan sang mga imbestigador sang Iloilo City Police Office nga amo ang magabulig sa imbestigador sang Molo PNP.
Suno kay Perez, tanan nga posible anggulo ang ginatutukan apang mas mabaskog sa gihapon ang pagpati nga nasal-an lamang ang biktima.
Ginpahayag ni Perez nga santo sa background checking, wala sang criminal records ang biktima nga nagahampang lamang sa sulod sang computer shop sang natabo ang krimen.
Apisar sini, wala man ginadula ang posibilidad nga may yara sang kaaway ang biktima ukon indi gani, naulamid lang sa away nga ginakaulamiran sang iya mga barkada.
Sa subong, padayon ang imbestigasyon may kaangtanan sa paghibalo sa identity sang duha ka mga suspek.
