Mga minor nga mga insidente lamang, kaangay sang mga kinagamo bangud sa pag-inom, ang narekord sang Iloilo City Police Office (ICPO) subong nga Semana Santa.
Sa interview sang Bombo Radyo kay PCol. Wibert Parilla, Officer-in-Charge sang Iloilo City Police Office, iya ginpahayag nga matalunsay ang ila nga operasyon sa syudad kag ma-control nila ang sitwasyon sini.
Suno pa sa iya nga dako ang bulig sang dugang nga augmentation halin sa Mobile Force Battalion nga nagpabaskog pa gid sa seguridad sang publiko.
Dugang pa ni Parilla, wala sang break ang duty sang mga kapulisan gani naka-full alert ini asta sa Lunes, Abril 6, agud masiguro sang mga personnel nga safe ang mga tawo sa syudad.
Nagapahanumdom man ini sa publiko, ilabi na gid subong nga adlaw, Abril 5, Domingo sa Pagkabanhaw nga indi magpatama sang inom sang makahulubog nga ilimnon kag mangin responsible sa pagselebrar subong nga adlaw.
