Nagahingyo naman ang Iloilo City Police Office (ICPO) sang koordinasyon halin sa publiko ilabi na sa mga barangay officials sa nagkalain-lain nga distrito sang syudad sa pagkampanya batuk sa iligal nga droga.
Suno kay PMaj. Shella Mae Sangrines, spokesperson sang Iloilo City Police Office, iya ginpahayag nga wala nagakulang ang mga kapulisan sa pagmonitor sa mga persona nga naga-engage sa iligal drugs kag pagpangdakop sa mga suspek.
Apang, ginpahayag man niya nga dako nga bulig sa mga otoridad kun may yara sang koordinasyon ang mga residente kag barangay officials sa mga kapulisan.
Ini bangud nga sila ang mas nakabalo sang sitwasyon sa ila tagsa ka barangay kag nakakilala sa mga indibidwal nga nagapuyo diri.
Pahayag pa sini nga kalabanan sa mga drug subject ang nagasaylo-saylo sang ila lugar agud nga indi madali madakpan sang mga kapulisan.
Words by: Bombo Krylle Melliza
