Nagmando na si Iloilo City Police Office Director Pcol. Wilbert Parilla sa ICPS 8 nga hatagan gid sang atensyon kag imbestigaran sang maayo ang natabo nga pagpangawat kahapon nga adlaw, Hulyo 20 sa transmitter site sang Bombo Radyo Iloilo nga nahamtang sa Brgy. Loboc, La Puz, Iloilo City.
Sa interview sang Bombo Radyo kay Parilla, iya ginpahayag nga makabig nila nga isa ka pagpanghangkat ang pagpangita sang suspek ukon mga suspek bangud wala sang CCTV sa lugar, sa rason nga makaapekto ini sa mangin signal sang estasyon.
Apang suno man sa iya, pagalantawun man sang mga kapulisan ang mga CCTV footages nga malapit sa site agud makabulig sa ila nga makatudlo sang mga indibdiwal nga yara sa likod sang
Suno sa iya, pagalantawun man sang mga kapulisan ang mga
Ginpakigbahin man ni Parilla nga mangin dako gid nga bulig sa imbestigasyon ang publiko ilabi na kun may ara ang mga ini sang mga impormasyon sa nasambit nga krimen.
Dugang pa niya, siguraduhon gid sang mga kapulisan nga protektado ang magatestigo ukon magahatag sang ihibalo nahanungod sa pagpangawat.
Ka-bombo, Magahatag ang Bombo Radyo Iloilo sang 𝗣𝟯𝟬𝟬,𝟬𝟬𝟬.𝟬𝟬 nga padya sa kun sin-o man ang makabulig agud madakup kag mapasakaan sang nagakaigo nga kaso kag mapriso ang tawo ukon mga tawo nga responsable sa pagkawat sang nasambit nga mga items/equipment.
Sa subong, padayun lang sa pagbantay sang mga balita pinaagi sa 99.5 Star FM Iloilo kag pinaagi man sa atun Youtube channel kag website.
