ILOILO CITY – Nagpanugyan ang Iloilo City Police Office sa mga pamatan-on nga mahilig mag-night out ukon mag-party kadungan sang summer vacation.
Sa interview sang Bombo Radyo kay Police Major Shella Mae Sangrines, spokesperson sang opisina, iya ginpahayag nga isa sa mga ginatutukan sang mga kapulisan amo ang pag-monitor sang pagpalapta kag pagpalusot sang party drugs.
Suno kay Sangrines, kinahanglan nga mag-aligmat kag indi maghatag sang kumpiyansa sa palibot bangud posible nga butangan sang party drugs ang ilimnon.
Naghingyo man ang natungdan sa mga ginikanan nga bantayan sang maayo ang ila mga kabataan.
Sa subong, wala sang narekord nga insidente ang Iloilo City Police Office may kaangtanan sa party drugs.
Samtang, nagpasalig naman ang kapulisan nga mas pasanyugon pa ang intelligence monitoring agud imbestigaran ang pagpalapta sang party drugs.
