Nagpaathag ang Iloilo City Police Office (ICPO) kon ngaa wala nila gilayon nga gin-kustodiya ang suspek sa pagluthang-patay sa anay punong barangay kag subong incumbent kagawad sa Barangay San Rafael, Tigbauan, Iloilo.
Ang biktima amo si Joevani Triste, residente sang nasambit nga lugar.
Samtang ang suspek amo si John Castro Jr.
Sa interview sang Bombo Radyo kay Police Colonel Kim Legada, Director sang Iloilo City Police Office, iya ginpahayag nga ang pag-surrender sang suspek kay former punong barangay Love Joy Castro ang ‘no longer necessary’.
Suno kay Legada, sa pagkamatuod, sang nagpadulong si Castro kaupod ang suspek, wala siya sang ideya nga na-file na ang kaso batok sa suspek.
Gin-athag man sang natungdan nga indi na ma-inquest sang talatapan ang suspek bangud wala ini nadala sa hot pursuit operation sang ICPO.
Nagtanyag man talatapan nga magabulig turnover sa suspek sa Iloilo Police Provincial Office (IPPO) apang, santo sa ila nga pagkonsulta sa legal presecutor, nagaguwa nga indi ini necessary.
Na-notisyaran naman ni Legada nga samtang sila ang naga-istoryahanay sang suspek, may mga inconsistencies sa pahayag sini.
