ILOILO CITY – Nagpanawagan si Iloilo City Police Officer Director Police Col. Joeristy Coronica sa publiko nga magdangop sa mga police station sa tion nga may yara sang krimen.
Sa interview sang Bombo Radyo kay Coronica, iya ginpahayag nga masami nga ginahimo sang mga netizens amo ang pag-post sa social media sang mga insidente sa baylo nga magdangop sa mga pulis.
Suno kay Coronica, nagakapat nga sa mga otoridad magpangayo sang bulig ang mga pumuluyo agud makaresponde gilayon ang mga pulis sa insidente.
Ginpahayag sang natungdan nga sa ginahimo sang mga netizens, daw kaangay nga ginamusingan sang mga ini ang imahe sang syudad.
Nagpangayo man ini sang kooperasyon sang publiko agud maangkon ang kalinong kag katawhay sa Iloilo City.
