𝗜𝗟𝗢𝗜𝗟𝗢 𝗖𝗜𝗧𝗬— Nagpasalig ang Iloilo City Police Office (ICPO) nga tutokan kag padalman ang motibo sa likod sang kamatayon sang anay punong barangay sang Brgy. Ingore, Lapaz, Iloilo City.
Ang biktima amo si Ernie Poral, 65-anyos, residente sang nasambit nga lugar.
Sa interview sang Bombo Radyo kay Police Colonel Kim Legada, Director sang Iloilo City Police Office, iya ginpahayag nga on going ang imbestigasyon sang ila talatapan agud matumod ang suspek sa likod sang nagluntad nga krimen.
Suno kay Legada, gina-maximize na nila ang intillegence kag investigation section sang ila talatapan agud mapadasig ang pagdakop sa suspek kag masolbar ang kaso.
Ginpahayag man sini nga sa subong may yara na sila sang person of interest nga ginasundan apang indi pa matumod kon siya gidman ang suspek.
Ginalantaw man sang natungdan nga isa lang ka indibidwal ang naghimo sa amo nga krimen.
