ILOILO CITY – Nagpasalig ang Iloilo City Police Office nga padayunon pa ang maayo nga performance sa kampanya batuk sa iligal nga droga.
Sa interview sang Bombo Radyo kay Police Major Shella Mae Sangrines, spokesperson sang Iloilo City Police Office, iya ginpahayag nga base sa mandu ni Police Brigadier General Leo Francisco, dapat nga ipabilin sang talatapan ang ini nga momentum.
Sa sulod sang masobra sa isa ka bulan nga pagdumala ni Police Colonel Joeresty Coronica bilang officer-in-charge, nagdangat na sa P3.82 million ang balor sang iligal nga droga ang na-recover sang kapulisan sa sunud-sunod nga drug buy-bust operations.
Dugang pa sang opisyal, ang ini nga accomplishments ang resulta sang maayo nga koordinasyon sang publiko kag sang kapulisan.
Nagpasalamat naman si Sangrines sa nangin suporta sang mga Ilonggo.
Samtang, nagpanawagan man ini nga suportahan ang kapulisan agud nga mapadayon ang manami nga performance.
