Nagapadayon ang pagpanglaghap sang Iloilo City Police Office (ICPO) sang mga ebidensya nga makatumod sa identity sang mga nagpang-tripping sa isa ka indibidwal sa Brgy. Bolilao, Mandurriao, Iloilo City.
Sa interview sang Bombo Radyo kay Police Major Shella Mae Sangrines, spokesperson sang Iloilo City Police Office, iya ginpahayag nga may instructions ni ICPO Director Police Colonel Kim Legada nga may extension sang augmentation sa Mandurriao agud nga matutokan ang mga lugar nga ginluntaran sang insidente.
Suno kay Sangrines, subong, padayon pa ang review sang katapo sang kapulisan sa mga closed-circuit television (CCTV) agud makuha ang klaro nga identification sang mga suspek.
Nagpangayo man ini sang bulig sa mga pumuluyo nga gilayon nga itu-ad sa ila kon may ideya nahanungod sa mga suspek.
Ginalantaw naman sang ICPO ang posibilidad sang pagpang-holdup sa mga biktima apisar nga nauna na nga gintuad nga pagpang-tripping lamang ang ginhimo sang mga kalalakihan.
