ILOILO CITY – Ginalauman na sang kapulisan nga magdamo ang mga tawo sa syudad sang Iloilo kasunod sa pagpaidalom sa lugar sa aler level 1 epektibo subong nga adlaw, Marso 11.
Sa interview sang Bombo Radyo kay PCol. Leo Batiles, director sang Iloilo City Police Office (ICPO), iya ginpahayag nga i-upgrade sang kapulisan ang ila deployment.
Magapabilin nga alerto ang kapulisan ilabi na sa dis-oras sang kagab-ihon.
Dugang pa ni Batiles, ginmandu-an niya ang mga kapulisan nga magpabilin nga handa sa pagresponde kag magpatigayon sang madamo nga COMELEC checkpoint kun gab-i.
May yara naman sang coordination ang ICPO sa mga establishment nga bukas kun gab-i kag subong man sa mga malls kun adlaw.
Magluwas sa mga patrol nga nagalibot, may yara man sang personnel nga naga standby sa isa ka lugar kag nagasaylo sa iban pagid nga lugar pagkatapos sang pila ka minutos.
Ang distrito sang Mandurriao sa gihapon ang makabig nga area of concern sang ICPO bangud dira nahamtang ang “night life”.
