ILOILO CITY — Aminado ang Iloilo City Police Office – Traffic Enforcement Unit nga may mga pila ka traffic investigator ang wala pa maka-renew sang deputization sa Land Transportation Office (LTO).
Sa interview sang Bombo Radyo kay Police Lieutenant Ethan Estaya, head sang Traffic Enforcement Unit, iya ginpahayag nga disbentaha sa isa ka investigator kun indi maka-renew sang deputization sa LTO bangud isa ini ka pamaagi agud nga maka-conduct sang imbestigasyon sa isa ka vehicular accident.
Suno kay Estaya, ang pag-renew sa amo nga dokumento ang kada anom ka tuig ukon duha ka beses sa isa ka tuig.
Ginalantaw man sini nga madamo sa mga traffic investigator ang wala maka-renew bangud sa tuman ka damo nga requirements ang ginapangayo ang LTO kaangay na lamang sang neuro kag psychiatric test.
Nagalaum naman ini nga masaka ang numero sang mga mapa-renew sang deputization agud mas malapad man ang mabantayan nga dalan sa syudad kag malikawan ang mga aksidente.
