Wala sang may natumod ang Iloilo City Police Office (ICPO) nga election hotspot ukon election area of concern sa syudad sang Iloilo para sa 2025 midterm elections.
Sa interview sang Bombo Radyo kay Police Colonel Kim Legada, Director sang Iloilo City Police Office, iya ginpahayag nga santo sa ila nga monitoring, nagapabilin nga wala sang natukiban nga mga area of concern.
Suno kay Legada, posible nga makabig nga election hotspot ang isa ka lugar kun may yara sang history sang intense political rivalry, election-related violence, kon may pribado nga armado nga mga grupo, kag kon nagapamahog ang rebelde nga grupo.
Ginaekspektar man sang talatapan nga sa filing sang certificate of candidacy sang mga kandidato, may mga supporters nga magadugok.
Apang, nagalaum man sila nga magakooperar ang mga supporters sa security measures nga ila ipatuman agud nga mangin organize ang kahiwatan.
