Dakop ang isa ka babayi sa ginpatigayon nga drug buy-bust operation sa San Juan Molo, Iloilo City bangud magluwas sa pagbaligya sang illegal nga droga, ginapasulod pa sini sa Bureau of Jail Management and Penology sa Ungka, Jaro, Iloilo City.
Ang subject ginkilala kay Alyas Nipay, 34 anyos, dala man sa nadakpan ang tiyo sini nga nabaklan man sang illegal nga droga.
Sa interview sang Bombo Radyo kay Pcapt. Ryan Christ Inot, hepe sang Iloilo City Police Station 4, iya ginpahayag nga ang suspek naga-obra anay bilang isa ka checker ukon naga-inspect sang mga ginapasulod sa nasambit nga pasilidad.
Nakuha sa subject ang ginabulubanta nga lima ka gramo sang iligal nga droga nga may balor sang kapin P30,000.
Suno sa imbestigasyon, ginapasulod sang suspek ang droga sa prisohan baylo sang porsyento sini nga makuha halin sa supplier sini.
Ginpahayag man nga ginadul-ungan man sini ang iya bana nga naka-detained sa karon sa presuhan kun sa diin ginapaagi sini sulod sa pagkaon agud nga indi manutikan sang pasilidad.
Sa karon, ang suspek ang nagpaidalom na sa medical kag drug test samtang ginapadayon ang imbestigasyon sang kapulisan para matul-id ang posible mga upod pa sini.
