Gin-ako sang Iloilo City Traffic Management Unit (ICTMU) nga may daan na nga mga reklamo ang ang pila ka residente kag motorista ang ila nabaton, natuhoy sa vertical clearance signage nga naguba sa Ungka Flyover, Pavia, Iloilo.
Sa interview sang Bombo Radyo kay Retired Police Colonel Uldarico Garbanzos, Head sang Iloilo City Traffic Management Unit, iya ginpahayag nga nakalab-ot na sa ila talatapan ang natabo sa bahin sang Ungka Flyover kon sa diin, gilayon man sila nagresponde.
Suno kay Garbanzos, antes pa man ang hitabo, may nabaton na ang ila talatapan sang mga inisyal nga reklamo natuhoy man sa vertical signage.
Gin-athag man sini nga wala sang salakyan nga nadagdagan gid, apang may natandog nga side mirror sang isa ka salakyan bangud sa pagkahulog man sang signage.
Sa subong, gina-welding na ang signage kag ginalauman nga mas mangin mapag-on na kag maagyan sang motorista.
