Ginpasigurado sang Iloilo City Traffic Management Unit (ICTMU) nga naga-agi sa sa ila talatapan ang tanan nga mga kahiwatan nga ginapatuman sang mga kandidato kaangay na lamang sang parade kag mga caravan.
Sa interview sang Bombo Radyo kay Ret. Police Colonel Uldarico Garbanzos, head sang Iloilo City Traffic Management Unit, iya ginpahayag nga ginalantaw gid sang talatapan ang mga ginaubra nga marshall kag kon kinahanglan sang road closure ang mga ini.
Suno kay Garbanzos, kon maaprubahan sang council kag mangin feasible sa talatapan, mahimo nga magpatuman ang ICTMU sang rerouting kag traffic plan.
Nagpahayag man ini nga paagi sa kolaborasyon sang organizer kag sang ila opisina, gilayon nga matumod ang mga specific nga lugar agud maka-adjust sa ila aktibidad.
Ginbuyagyag man sang natungdan nga nag-apply ang team ni Iloilo City Mayor Jerry Treñas sa ila talatapan agud nga magpatuman sang caravan.
Nagpangayo naman ang komitiba ni Councilor Sedfrey Cabaluna sa kampo ni Treñas sang ila nga traffic plan agud mahimo ang closure sa pila ka dalan sang syudad kaangot sa kahiwatan.
