ILOILO CITY — Ginkaalarma sang Iloilo City Traffic Management Unit (ICTMU) ang pagtaas sang kaso sang mga nagakapatay bangud sa aksidente sa dalan sa Iloilo City.
Sa interview sang Bombo Radyo kay Ret. Police Colonel Uldarico Grabanzos, iya ginpahayag nga sugod sang Enero tubtob subong nga Mayo 2024, may yara na sang 29 ka mga nadisgrasya nga motorista sa dalanon, sa diin tatlo diri ang napatay.
Suno kay Garbanzos, mas mataas ini nga death count kun ikumpara sang tinalikdan nga tuig sa kapareho nga mga bulan nga may yara sang 35 ka mga vehicular accident apang wala sang may napatay.
Ginpahayag man ni Grabanzos nga isa sa ginalantaw nga rason amo bangud sa kakulangan sa pag-edukar sa mga traffic rules and violation sa mga motorista kag sa pumuluyo.
Nagpanugyan man ang natungdan sa mga driver sang public and private vehicle nga magbahar ukon maghinay-hinay kun maglabay sa pedestrian lanes sang mga dalan.
