Ipatuman sang Iloilo City Traffic Management Unit (ICTMU) ang maximum tolerance sa dalan kon nagatuga sang mahinay nga trapiko ang kahiwatan sang mga kandidato para sa filing of candidacy.
Sa interview sang Bombo Radyo kay Ret. Police Colonel Uldarico Garbanzos, head sang Iloilo City Traffic Management Unit, iya ginpahayag nga kon indi masarangan sang ila katapo ang dalagan sang trapiko, gilayon sila nga magapangayo sang bulig sa Iloilo City Police Office (ICPO).
Suno kay Garbanzos, ginaekspektar sang ila talatapan nga ang pagpatuman sang regulasyon sa dalan ang mangin civil kag matawhay.
Nagpanugyan man ini sa mga kandidato nga magpasa sang ila traffic plan agud mahatagan gilayon sang permit kag magiyahan.
Ginalantaw naman sang talatapan nga indi makatuga sang huol ang tagsa ka supporters sang kandidato.
