𝗜𝗟𝗢𝗜𝗟𝗢 𝗖𝗜𝗧𝗬 — Magapatuman sang weekly review and assessment ang Iloilo City Traffic Management Unit (ICTMU) agud mahatagan sang igtalupangod ang issues sa pagsulod sang consolidated units halin sa first town sang Iloilo.
Ini kasunod man sang pormal nga agreement nga pahanugutan nga makasulod sa Iloilo City ang kabug-usan nga 40% sang consolidated units sang first town sang Iloilo.
Sa interview sang Bombo Radyo kay Ret. Police Colonel Uldarico Garbanzos, Head sang Iloilo City Traffic Management Unit, iya ginpahayag nga isa sa nakita sang talatapan amo ang pagsulod sang wala sang sticker nga mga jeep sang Pagkakaisa ng mga Samahan ng Tsuper at Operator Nationwide (PISTON) kag Federation of Drivers, Commuters, and United Transportation Terminals ukon MANIBELA.
Suno kay Garbanzos, ini nga problema ang nakita sa Leganes kag Mohon Terminal, rason nga kinahanglan nga i-finalize ang mga tikang agud nga mabutangan sang sticker mga consolidated units.
Ginpahayag man sini nga wala sang sticker ang mga units sang nasambit nga organisasyon bangud man sa indi sila nga magsulod sa consolidation program sang gobyerno.
Tuyo naman sang talatapan nga magbutang sang augmentation sang city loop sa Mohon Terminal agud matatapan ang mga pasahero sa lugar.
Nagakoordinar naman ang ICTMU sa mga consolidated nga kooperatiba agud mabantayan kag ma-report ang mga unconsolidated units nga may tuyo nga magsulod sa mga terminal.
