𝗜𝗟𝗢𝗜𝗟𝗢 𝗖𝗜𝗧𝗬—Mas ginapasangkad sang Iloilo City Traffic Management Unit (ICTMU) ang ila nga pagpakig-angot sa mga kooperatiba nga nagabayahe sa Iloilo City.
Sa interview sang Bombo Radyo kay Retired Police Colonel Uldarico Garbanzos, head sang Iloilo City Traffic Management Unit, iya ginpahayag nga padayon ang ila nga coordination sa mga transport cooperatives sa syudad ilabi na nga nagsugod na ang klase sa mga unibersidad.
Suno kay Garbanzos, ang kolaborasyon sa mga kooperatiba ang may tuyo nga maghimo sang mga tikang agud nga matuyuyon ang byahe kag ma-cater ang tanan nga mga pasahero.
Ginpahayag man sini nga gina-ekspektar man sang talatapan ang pagdugang sang mga pasahero ilabi na nga nagbalik na ang klase.
Gin-athag man sang natungdan nga lakip sa ila naistoryahan amo ang car pass sang mga modernized units sa first town cooperatives kag dispatching sang mga pasahero.
Gin-ako man ni Garbanzos nga wala na sang dugang nga alternative nga ruta rason nga may mga dalan nga nagapugok kag nagahinay ang trapiko.
