𝗜𝗟𝗢𝗜𝗟𝗢 𝗖𝗜𝗧𝗬 — Nagapatuman na sang pagsinapol, sunod-sunod nga pagplano, kag alignment sa mga traffic enforcers ang Iloilo City Traffic Management Unit (ICTMU) para sa pagbukas sang klase.
Sa interview sang Bombo Radyo kay Ret. Police Colonel Uldarico Garbanzos, head sang Iloilo City Traffic Management Unit, iya ginpahayag nga kinahanglan sang ila nga talatapan nga magprepar sa bukas-klase bangud sa naga-triple ang mga salakyan sa syudad nga nagataris sa dalan.
Suno kay Garbanzos, nagpadulong naman sila sa mga terminal kag nakigsapol sa mga tennants agud nga tsekyaron kag maplastar ang arrangement sang mga salakyan.
Ginpahayag man sini nga nakig-istorya naman ang ila nga talatapan sa mga transport cooperatives para sa pinal nga implementasyon sang dispatching sang mga pasahero.
Gin-athag man sini nga ang tanan nga modernized jeepney lamang ang ginapahanugutan nga maka-dispatch sang pasahero sa mga terminal, luwas sa terminal nga wala pa sang modern nga jeep.
Handa naman ang ila nga mga katapo nga personnel sa deployment buwas nga adlaw bangud may mga pribado na nga eskwelahan ang nagsugod sang ila nga klase.
