ILOILO CITY — Nagduso ang Iloilo City Traffic Management Unit (ICTMU) sang implementasyon nga makapahuway ang ila katapo nga traffic enforcers subong nga nagalakaak sa ka taas ang heat index sa Iloilo City.
Sa interview sang Bombo Radyo kay Ret. Police Colonel Uldarico Garbanzos, iya ginpahayag nga apisar sang implementasyon, ginapasigurado gyapon sang talatapan ang visibility sang traffic personnel kun rush hour.
Suno kay Garbanzos, kinahanglan nga yara gid ang mga enforcers sa dalan samtang rush hour agud nga indi na magpugok ang dalagan sa trapiko.
Gin-athag man sang natungdan nga naghatag sila sang heat stroke break sa mga enforcers oras agud makapahuway kag maka-rehydrate ang mga ini.
Nagpasalig naman ang talatapan nga may yara man sang reactionary implementation para sa mga personnel agud makapahuway sa kilid sang dalan samtang nagatagiti ang init.
