Nagpasalig ang Iloilo City Traffic Management Unit (ICTMU) nga mangin halog sa pagpatuman sang illegal parking ordinance subong nga Dinagyang Festival 2025.
Sa interview sang Bombo Radyo kay Ret. PCOL Uldarico Garbanzos, head sang Iloilo City Traffic Management Unit, iya ginpahayag nga apisar sang halog nga pagpatuman sang illegal parking ordinance, magahugot sila sa gihapon sa pagpanakop sa mga motorista nga nagabalabag sa emergency lanes.
Lakip sa emergency lanes ang Mulley Loney St., Rizal St., Esplanade 5, Gen. Luna. St., Jalandoni St., Delgado St., kag De Leon St.
Suno kay Garbanzos, apektado ang byahe sang Local Public Transport Route Plan (LPTRP) bangud indi na sila makasulod sa City Proper4 bangud man sa closure.
Magadangat lamang sa Jalandoni St. kag magbalik sa Rizal St., ang tanan nga mga nagabyahe nga public utility jeepney nga nagahalin sa Molo.
Ang tanan naman nga nagabyahe halin sa Ungka ang tubtob na lamang sa Huervana St. La Paz, Iloilo City tubtob makabalik sa ila point of origin.
