𝗜𝗟𝗢𝗜𝗟𝗢 𝗖𝗜𝗧𝗬 — Nagpasalig ang Iloilo City Traffic Management Unit (ICTMU) sa mga residente sang Brgy. Loboc, Lapuz, Iloilo City nga padayon ang ila nga operasyon sa lugar agud nga magbantay sang mga truck nga iligal nga naga-park.
Sa interview sang Bombo Raydo kay Garbanzos, iya ginpahayag nga masami nga ginabilin kon gab-i kag kaagahon ang container sang trailer truck agud nga indi madakpan sang mga otoridad nga nagabantay, rason man nga kon magpadulong na ang ila mga enforcers, wala na sang drivers ang mga trailer truck.
Suno kay Garbanzos, may yara sang naga-existnga ordinansa nga nagadumili sa mga salakyan nga mag-park sa amo nga lugar, apang lantawon pa ini sang talatapan agud nga gilayon nga mapatuman.
Gin-athag man sini nga nagpadala sila sang sulat sa managers sang bodega kon sa diin ga-unload ang mga truck agud nga hatagan sang abiso ang drivers sang trailer truck kag mahambalan nga hugot nga ginadumilian ang mag-park sa lugar.
Nagpanawagan naman sa publiko si Garbanzos nga kon may makita nga naga-park sa lugar, gilayon nga kuhaan sang litrato agud nga mapasakaan sang legal nga reklamo.
