𝗜𝗟𝗢𝗜𝗟𝗢 𝗖𝗜𝗧𝗬 — Plano nga i-calibrate sang Iloilo City Traffic Management Unit (ICTMU) ang mga traffic lights sa dalan sang Barangay Nabitasan, Lapaz, Iloilo City.
Sa interview sang Bombo Radyo kay Retired Police Colonel Uldarico Garbanzos, head sang nasambit nga talatapan, iya ginpahayag nga ang tikang ang may tuyo nga ma-address ang problema sa trapiko sa amo nga lugar.
Suno kay Garbanzos, ginalantaw man sang talatapan ang volume sang mga salakyan ilabi na kon rush hour agud matumod kon diin nga traffic lights ang nagatuga sang madugay nga dalagan sang trapiko.
Ginpahayag man sini nga may lima ka areas sa amo nga lugar ang tuyo nga ginpabutangan sang signal lights agud nga makabulig balanse sang dalagan sang traffic.
Ginalantaw man sang talatapan nga mahatagan sang balance distribution ang mga salakyan nga masami nagataris sa amo nga dalan.
Nahibaluan nga ang amo nga dalan ang masami man nga ginaagyan sang mga private utility vehicles (PUV) agud mangin alternatibo nga ruta.
Posible naman nga dugangan sang Iloilo City Traffic Management Unit ang mga traffic lights sa lugar bangud man sa development sang traffic sa lugar.
