Suportado sang Iloilo City Traffic Management Unit (ICTMU) ang pagkakas sa lisensya sang driver nga nagsalakay sang mga flowerpots sa Diversion Road sang Disyembre 27.
Ang driver ang risidente sang Barangay Calubihan, Jaro kag natukiban nga yara sa impluwensya sang makahulubog nga ilimnon sang natabo ang insidente.
Sa interview sang Bombo Radyo kay Ret. PCOL. Uldarico Garbanzos, head sang Iloilo City Traffic Management Unit, iya ginpahayag nga suportado sang talatapan ang ano man nga tikang nga tuyo iduso sang city government batok sa driver.
Suno kay Garbanzos, kon kinahanglan nga ikanselar ang lisensya sang driver, sundon nila ini kag kon kinahanglan man nga mag-ubra sang report nahanungod sa insidente, magahimo ang ila opisina.
Ginpahayag man sini nga ang aktwasyon nga ginhimo sang driver ang ‘very unacceptable’.
Nahibaluan nga ginkaugot ni Iloilo City Mayor Jerry Treñas ang nangin ‘reckless actions’ sang driver.
Gindayaw man sang alkalde ang madasig nga pagresponde sang Iloilo City Police Station 10 sa natabo nga insidente.
